Ministri i Jashtëm Igli Hasani priti këtë të hënë në Tiranë, ministrin e Punëve të Jashtme të Turqisë Hakan Fidan, në një vizitë të parë të këtij të fundit në Shqipëri.

Në konferencën e përbashkët për media, Hasani vlerësoi marrëdhëniet mes dy vendeve.

Ai theksoi se intensifikimi i dialogut politik mes Shqipërisë dhe Turqisë, ka sjellë një rritje të bashkëpunimit dypalësh.

Ministri i Jashtëm vlerësoi ndihmën që i është dhënë Shqipërisë në momente të vështira nga pala turke.

Turqia mike na është gjendur gjithmonë pranë në ditët tona më të vështira. Marrëdhëniet mes vendeve tona kanë njohur vetëm rritje e konsolidim. Intensifikimi i dialogut politik mes nesh, ka sjellë një rritje të bashkëpunimit dypalësh.

Hasani theksoi se diskutimet kishin të bënin dhe në fushën ekonomike dhe tregtare, por dhe situatën në rajon.

“Diskutuam për bashkëpunimin në fushën ekonomike dhe tregtare. Investimet turke në Shqipëri arrijnë 3.7 mld euro. 15 mijë shqiptarë janë të punësuar me 630 kompani turke që operojnë në vendin tonë. Përshëndesim miratimin nga parlamenti turk marrëveshjen për njohjet reciproket të patentave. Shqipëria do të vazhdojë angazhimin shumë palësh në 4 nisma rajonale dhe përmbushja me sukses do të kërkojë edhe bashkëpunimin e ngushtë me Turqinë. Me kolegun Hakan bashkëndamë mendime të njëjta me agresionin rus në Ukrainë dhe kemi shprehur mbështetjen e palëkundur për integritetin territorial të Ukrainës”, tha Hasani.

LEXONI GJITHASHTU:

• Ministri i Jashtëm turk në Tiranë: Të pastrohen mbetjet e fundit të FETO në Shqipëri
• Përkujtimi i Holokaustit, Hasani: Shqipëria, rol kyç në shpëtimin e hebrenjve