Haxhia me rezerva ndaj SPAK: Perceptimi publik i pritshëm, por ka edhe abuzime

Avokati Maks Haxhia komentoi gjetjet e Barometrit në Euronews Albania lidhur me besueshmërinë e publikut ndaj SPAK, sipas të cilave Prokuroria e Posaçme kundër Krimit të Organizuar dhe Korrupsionit ka arritur maksimumin e besueshmërisë nga qytetarët që nga koha e themelimit te saj 3 vjet më parë.

Sipas tij, perceptimi publik është i kuptueshëm ndaj një institucioni që lindi si domosdoshmëri për thyerjen e një miti 30-vjeçar të pandëshkueshmërisë. Nga pikëpamja profesionale, si avokat, Haxhia theksoi se ka rezerva për punën e SPAK, i cili siç tha përbëhet vetëm nga profesionistë.