Analisti Baton Haxhiu tha në emisionin ‘Shock’ në Euronews Albania se protesta e veteranëve të UÇK kundër kryeministrit Kurti është një bumerang që po i kthehet kreut  të qeverisë për shkak të iluzionit që ai krijoi tek njerëz që në fakt nuk kanë qenë veteranë lufte.

Sipas Haxhiut, këtë status e kanë marrë 160 mijë vetë, përfshirë edhe vetë Kurtin që është veteran lufte pse ishte përkthyes në kohën e luftës, ndërkohë që kanë qenë 24-25 mijë personat që luftuan me UÇK.

“I pari i qeverisë është veteran lufte dhe merr 170 euro. Se di pse një përkthye është veteran lufte. Ndaj kemi sot 160 mijë, e ka marrë këtë status kushdo. 24 mijë është numri i atyre që kanë bërë luftë direkt, por nëse logjika e bën Kurtin veteran se ka qenë përkthyes atëherë kjo është pasojë e kësaj hipokrizie. Në Prishtinë nuk është shkrepur asnjë plumb, atëherë ku dolën këta veteranë. Ata reagojnë tani sepse Kurti kur u kanë dhënë iluzionin se janë veteranë, e kanë vështirë të heqin dorë nga ai status”, tha analisti.

LEXONI GJITHASHTU:

• Serbia nuk po i njeh krimet e kryera gjatë luftës në Kosovë, thotë Kurti
• Kurti refuzon ftesën e kryeministrit të RMV-së për Ballkanin e Hapur