Haxhiu ‘ngacmon’ Bushatin për analizat seksiste për gratë në qeverinë Rama

Kryeministri i vendit, Edi Rama, në mandatin e tretë ka zgjedhur që në krye të ministrive të caktojë më shumë gra dhe vajza.

Por a është kjo zgjedhje e duhur për qeverinë ‘Rama 3’? Kjo çështje u diskutua në emisionin “Shock” në Euronews Albania mes Andi Bushatit dhe Baton Haxhiut.

Analisti Baton Haxhiu tha se shoqërinë shqiptare e respekton më shumë nga rolin i grave.

“Bushati i quajti gratë femra. Për dallim nga Bushati, unë shoqërinë shqiptare e respektoj më shumë përmes femrave se meshkujve. Janë të ndërgjegjshme, janë më të përkushtuara dhe janë luajale ndaj institucioneve”, tha ai.

Por në debat e sipër ndërhyri Bushati duke thënë se nuk kishte dëgjuar një argument të tillë, të cilin e cilësoi si qëndrim seksist.

“Qasje me seksiste se kjo nuk kam dëgjuar ndonjëherë”, tha Bushati.

Baton Haxhiu insistoi tek argumenti e tij, duke thënë se etiketimet e Bushatit kanë doza të larta seksizmi. Ai u shpreh se caktimi i grave në qeveri, jo domosdoshmërisht lidhet me risinë.

“Pjesa jote ishte më seksiste se e imja. Jo nuk është risi, nuk ka asnjë lidhje. kam vërejtje për ndërtimin, rezultatet nuk i di, mund t’i paragjykoj rezultate. Gratë e qeverisë Rama duhet ta dëshmojnë se nuk janë thjesht femra”, tha ai.

LEXONI GJITHASHTU: 

• Qeveria me gra, ironia e Bushatit: Nuk ka gra me karakter, por që e quajnë shefin e tyre Skënderbe