Haxhiu: Opozita në Kosovë e dobët, pret të gabojë Kurti që të marrë pushtetin

Analisti Baton Haxhiu thotë se opozita në Kosovë po tregohet shumë e dobët dhe pret që të gabojë kryeministri Albin Kurti, në mënyrë që të marrë pushtetin.

Në emisionin “Shock” në “Euronews Albania”, Haxhiu u shpreh se kjo nuk është mënyra e duhur se si duhet të funksionojë një opozitë.

“Para 3 ditësh kam bërë një shkrim që i dedikohet dy udhëheqësve të opozitës, të cilët kanë ndërtuar një opozitë mbi gabimin e tjetrit dhe heshtjes së tyre. Të dy liderët e opozitës kanë vendosur si kriter opozitar, gabimet e Albin Kurtit. Duke pritur që ai të nënshkruajë asosacionin, të marrë përsipër garancinë, atë që ka bërë Gjykata Kushtetuese për tokat e Manastirit të Deçanit, çështjen e veriut, të energjisë. Janë të rradhitur një sërë problemesh. Duke e lënë Albin Kurtin të gabojë, ata mendojnë se e kanë fitoren e sigurtë. Por, nuk bëhet kështu”, tha Bushati.

Ai shtoi se nëse opozita e lë qeverinë e Albin Kurtit që të gabojë në vendimet më të rëndësishme për vendin, do të mbajë të njëjtën përgjegjësi.

Ndërsa, analisti Andi Bushati nuk ishte i të njëjtit mendim me Haxhiun. Sipas tij, Haxhiu po kërkon një opozitë radikale, por shtoi se kjo lloj opozite u ‘dërrmua’ në zgjedhje nga Lëvizja Vetëvendosje.

LEXONI GJITHASHTU

• ​Osmani kërkon përkrahjen e Malit të Zi për anëtarësimin e Kosovës në KiE