Haxhiu për fjalimin e Ramës në OKB: Shtet i vogël me fuqinë e fjalisë së madhe

Në cilësinë e drejtuesit të Këshillit të Sigurimit në OKB-së, kryeministri Rama tha të enjten se thirrjet për dhunë dhe mohimi i gjenocideve duhet të dënohen, siç u dënua edhe ish-presidenti i Serbisë, Millosheviçi.

Baton Haxhiu thotë se fjalimi i Ramës kishte brenda “histori, imazh, prezencë, politikë”.

“Prezenca formale është fuqi”, tha Haxhiu në emisionin “Shock” në Euronews ALbania.

“Fuqia është momenti kur ti e udhëheq botën me simbolikën e shtetit të vogël, por me fuqinë e fjalisë së madhe”, theksoi ai.

Baton Haxhiu thotë se Rama do e votojë rezolutën kundër gjenocidit serb në Kosovë.

Deputetja Ermonela Felaj ka thënë gjatë emisionit “Open” se arsyeja pse socialistët nuk kaluan në Kuvend rezolutën për gjenocidin serb në Srebrenicë, ishte pasi “binte ndesh me Open Balkan”.

Baton Haxhiu tha se pas kësaj deklarate, deputetja e PS-së duhet të japë dorëheqjen.

LEXONI GJITHASHTU:

• Bushati: Presidenti i ri do dalë nga ‘shtrati politik’ i Ramës