Haxhiu: Vdekja e Astrit Deharit, kauzë politike e VV për të rrëzuar pushtetin

Vdekja në burg e aktivistit të Vetëvendosjes, Astrit Dehari u përdor nga VV si kauzë politike për demarkacionin, asosacionin dhe rrëzimin e pushtetit, sipas Baton Haxhiut.

Në emisionin ‘Shock’ në Euronews Albania analisti tha se Vetëvendosja duhet të pranonte faktin që Astrit Dehari u vetëvra në burg në një moment dobësie dhe se faji për këtë rast ishte i shtetit dhe instancave përkatëse për pakujdesi ndaj të burgosurve.

Vetëvendosja sipas Haxhiut, keqpërdori një fatkeqësi në mënyrë më të pamoralshme të mundshme për përfitime politike.

“Këto moralizime të pamoralshme që i bëri Kurti në 2016, që i bëri avokati, që është ekzemplar i të pamoralshmes,  futja në konferenca e prindërve që kanë humbur të dy djemtë dhe bërja deputet e babait ishte jo vetëm, keqpërdorim por një prej kauzave më të pamoralshme që njeh politika moderne”, tha analisti.

LEXONI GJITHASHTU:

• Baton Haxhiu: Tentativa e Kim për të shkatërruar Berishën, e ktheu në hero
• Baton Haxhiu: Aqif Rakipi e Ylli Ndroqi janë përkëdhelur nga politika