Hera e parë për Kosovën shtet i pavarur, Osmani fjalim në Parlamentit Evropian

Presidentja e Republikës së Kosovës, Vjosa Osmani, me ftesë të Presidentes së Parlamentit Evropian, Roberta Metsola, do t’i drejtohet me një fjalim Parlamentit Evropian këtë të mërkurë.

Kjo është hera e parë që një President i Republikës së Kosovës si shtet i pavarur do t’i drejtohet seancës plenare të Parlamentit Evropian.

Presidentja Osmani do t’i drejtohet deputetëve të Parlamentit Evropian lidhur me arritjet e Kosovës dhe rrugën e saj drejt anëtarësimit në Bashkimin Evropian. Ajo do të shprehë mirënjohjen e qytetarëve të Kosovës për përkrahjen që Parlamenti Evropian ka ofruar për Kosovën që nga vitet e ’90.

Gjatë qëndrimit në Strasburg, ku po mbahet seanca e Parlamentit Evropian, Presidentja Osmani do të pritet fillimisht nga Presidentja e Parlamentit Evropian, Roberta Metsola, në një takim për të diskutuar bashkëpunimin ndërmjet Republikës së Kosovës dhe këtij institucioni, e pastaj do të takojë edhe udhëheqësit e grupeve kryesore politike të përfaqësuara në Parlamentin Evropian.

LEXONI GJITHASHTU:

• Halimi apel presidentes Osmani: Të jetë me e zëshme dhe të distancohet nga Kurti
• Vjosa Osmani dekoron shkrimtarin Ismail Kadare me urdhrin “Hasan Prishtina”