Mark Nika, xhaxhai i Aleks Nikës, protesuesit të vrarë gjatë tubimit të 21 janarit, ka dhënë një prononcim për media në përfundim të dëshmisë së tij në SPAK.
Nika tha se kërkoi nga Prokuroria e Posaçme që të hetojë personat që urdhëruan gardën të hapte zjarr mbi turmën. Ai shtoi se provat e 21 janarit janë fshirë dhe ndaj duhet nëj rihetim i çështjes siç e kërkoi dhe Gjykata e Strasburgut.
“Përgjegjësia duhet të kërkohet te Kryeministri i kohës, Ministri i Brendshëm dhe Komandanti i Gardës, ata tjerët janë ushtarë, po nuk e urdhërove ushtarin nuk qëllon ai”, u shpreh Mark Nika para SPAK.
Sa i takon audio-inçizimit ku jepet urdhri për të qëlluar, Nika tha se disponohet nga gazetari Arta Hoxha i cili pritet ta dorëzojë në SPAK.
“U thirra për kasetën. Kasetën e ka Artan Hoxha dhe është i gatshëm ta dorëzojë. Pamjet do të grupohen dhe do t’i jepen SPAK-ut. Sot trajtuam edhe anën teorike sepse ka probleme në procedurën penale, lidhur me parashkrimet. E ngrita si shqetësim. Kërkojmë hetim për zinxhirin komandues”, tha ai.
LEXONI GJITHASHTU:
- Cfarë ka në dorë të hetojë SPAK-u për 21 Janarin? Përgjigjet avokati
- Gazetarja: Kolegu ynë është thirrur nga Prokuroria për ’21 Janarin’, ja për çfarë
