“Hetimi fletërrufe”, Berisha: Asnjë provë që është shkelur ligji për privatizimin

Ish-kryeministri Sali Berisha tha në një deklaratë për mediat të hënën se hetimi ndaj tij dhe dhëndrit të tij lidhur me privatizimin e kompleksit Partizani është një fletërrufe e urrejtjes së Ramës.

Sipas tij në hetimi është një kosh me gënjeshtra dhe trillime ku nuk ka as edhe një provë të vetme se në procedurat e privatizimit është shkelur ndonjë ligj i këtij vendi.

“Në privatizimin e kompleksit të klubit Partizani, në zinxhirin e pafundmë të shpifjeve, pas tre vitesh të bazuar në kallëzimin e rremë politik, Edvini dhe larot e tij, nuk janë në gjendje të japin as dhe një provë, fakt apo dokument të vetëm se në procedurat e privatizimit të klubit Partizani është shkelur ndonjë ligj, normë apo praktikë ligjore e këtij vendi.

Së dyti, në dacibaon e tyre, Edvini dhe larot e tij skapiste, pas tre e më shumë vitesh hetime, në qindra e qindra dokumente, nuk kanë gjetur qoftë dhe një të vetëm se toka e kthyer 64 pronarëve të pesë familjeve fisnike të Tiranës, njëri prej tyre është Abi Malltezi, nuk ka qenë trashëgimi e tyre në breza, përveç pishinës, e cil ka qenë pjesë e klubit të Partizanit dhe ka qenë detyrim ligjor për t’u privatizuar dhe copëzat përreth të pronës, që detyron çdo pronar t’i blejë me çmim tregu.

Së treti, në hetimin e tyre policesk 3-vjeçar, Edvini dhe larot e tij skapistë, në dhjetëra e dhjetëra dëshmi të ish-punonjësve publikë që kanë marrë pjesë në këtë procedurë, nuk kanë gjetur edhe pas 15 vitesh të përfundimit të saj, qoftë dhe një person të vetëm që të pohojë se kemi pasur ndërhyrjen më të vogël nga Sali Berisha apo Jamarbër Malltezi për këtë vendimmarrje.

Ndjesë se harrova, në dacibaon e tyre, Edvini dhe skapistët e tij, kanë sjellë një dëshmi për Malltezin atë të një personi që thotë se më ofruan një apartament, por nuk mbaj mend se kush ma ofroi”, tha Berisha.

LEXONI GJITHASHTU:

• Avokati Beqiri: Çfarë ndodh nëse Berisha refuzon të paraqitet në gjykatë
• “Detyrim paraqitjeje për Sali Berishën”, reagon Bardhi: SPAK shkeli Kushtetutën