Deputeti i PD-së, Dashnor Sula thotë se mazhoranca rrëzoi kërkesën e opozitës për hetimin e investimeve strategjike duke përdorur manovra politike.

“Pse ka frikë mazhoranca që të ngrihet komision hetimor për investimet strategjike?”, tha Sula.

Ai akuzoi se i është bërë ftesë që të tërhiqte firmën nga kërkesa për ngritjen e këtij komisioni ndërsa nga ana tjetër tha se 2 deputetë të opozitës i tërhoqën firmat.

“Tërhoqi Agron Dukën dhe Melisa Dodën që të binte numri 35. Futëm dy të tjerë ne, por thanë që duhet të merren sërish firmat”, tha Sula.

Sipas deputetit të PD, mazhoranca i trembet zbulimit të skandaleve për këtë çështje siç ndodhi në rastin e Komisionit Hetimor për Inceneratorët.

Sula shtoi se mazhoranca qeverisëse vazhdon të paguajë inceneratorët pavarësisht hetimeve të SPAK.

Ai tha se më 30 maj në llogarinë e ndërtuesve të inceneratorëve është paguar një shumë prej 800 mijë euro.

LEXONI GJITHASHTU:

• 2.2 milionë m2 tokë në bregdetin e Kavajës për investitorët strategjikë
• 85 për qind e investitorëve strategjikë, shqiptarë
• 1.3 milionë metra katrorë tokë në bregdet për investitorët strategjikë