‘Hetoni Berishën’, gazetari: SHBA nuk mbështet asnjë opozitë që i del kundër

Gazetari Lavdrim Lita thotë se SHBA nuk mbështet asnjë opozitë që u del kundër politikave të saj, duke iu referuar deklaratës së Ndihmës Sekretarit të Shtetit për Evropën dhe Euroazinë, Gabriel Escobar, i cili tha se kryedemokrati Sali Berisha duhet të hetohet.

Në një intervistë për Euronews Albania, Lita u shpreh se SHBA po e trajton çështjen në Partinë Demokratike si një çështje të drejtësisë.

“Është hera e dytë që Escobar del në intervistë për Zërin e Aamerikës dhe trajton temën e PD-së si çështje të drejtësisë. Ai e tha shumë qartë se vendimi i SHBA-së është marrë në unison, janë gjetur prova dhe fakte; nuk ka qenë vendim politik. Në kuadrin e daljes së datës së zgjedhjeve pak ditë më parë, SHBA ka bërë thirrje që PD të largohet nga figurat dhe imazhet negative të saj.

Nëse PD merr një rrugë tjetër, ky nuk është një problem i SHBA-së, por një problem i Shqipërisë dhe i anëtarëve të Partisë Demokratike. Ata nuk mbështesin asnjë opozitë që u kundërtshton politikat, jo vetëm në Shqipëri por në të gjithë Ballkanin”, theksoi ai.

Escobar tha një ditë më parë se vendimi për shpalljen non grata të Sali Berishës nuk ishte politik, por institucional.

Ai nënvizoi se SHBA ka partnerë të mirë në Partinë Demokratike dhe do që kjo forcë politike të jetë një kontribues i fortë dhe i rëndësishëm i stabilitetit politik në Shqipëri.

LEXONI GJITHASHTU

• SHBA shqetësime për amnistinë, Escobar: Qeveria shqiptare të dëgjojë sugjerimet
• Sulmet e Ramës ndaj Kim, Escobar: Gjithçka që ajo bën është në linjë me DASH
• Berisha ‘non grata’, Escobar: Vendimi s’ishte politik, kemi partnerë të mirë në PD