Hetuesit rusë iu bëjnë testet e ADN-së trupave në aksidentin e Prigozhin

Mbrëmjen e së premtes hetuesit rusë kanë tërhequr trupat e viktimave të aksidentit ku humbi jetën dhe shefi i Wagner, Prigozhin.

Tërheqja e trupave është bërë me qëllim kryerjen e ADN-së për të konfirmuar identitetin e tyre.

“Komiteti Investigativ Rus vijon të hetojë mbi rastin kriminal të aksidentit ajror në Tver Oblast. Gjatë hetimeve janë gjetur regjistruesit e fluturimit. Vazhdon ekzaminimi i detajuar i vendit të ngjarjes. Për momentin po sekuestrohen sendet dhe dokumentacioni që lidhet me të gjitha rrethanat e rrëzimit të avionit dhe po dorëzohen për ekspertizë mjeko-ligjore,” – thuhej në deklaratën e publikuar në Telegram.

Hetuesit bënë me dije se të gjithë skenarët e mundshëm për shkakun që çoi në rrëzimin e avionit privat po analizohen deri në momentin që do të dilet në një konkluzion përfundimtar.

LEXONI GJITHASHTU:

• Kremlini mohon të ketë urdhëruar vrasjen e Prigozhin
• ‘E paralajmërova dy herë Prigozhinin që të kishte kujdes’, flet Lukashenko