Hidhet granatë në një sallon bukurie në Francë, plagosen 6 persona! Mes tyre edhe një fëmijë

Gjashtë persona kanë mbetur të plagosur pas një shpërthimi të regjistruar në një sallon bukurie në Grenoble të Francës. Mësohet se shpërthimi u regjistrua mesditën e kësaj të premte ndërsa mes të plagosurve është edhe një fëmijë.

Sipas autoriteteve, shpërthimi ndodhi pas hedhjes së një granate. Fatmirësisht plagët e marra nga personat e plagosur nuk ishin të rënda dhe morën ndihmën mjekësore në vendngjarje.

Autorët e krimit u arratisën dhe deri më tani motivet e tyre mbeten të panjohura. Salloni i bukurisë ndodhet në katin përdhes të një ndërtese banimi shumëkatëshe, midis dyqaneve të tjera tregtare. Për shkak të ashpërsisë së shpërthimit, vitrina e dyqanit u shkatërrua plotësisht.