Historia e killerit shqiptar: Si i jep urdhërat për vrasje nga Belgjika

Gazetarja Etleva Delia deklaroi se dy vëllezërit Beqiraj, të cilët u arrestuan në kuadër të operacionit policor të koduar “Porositësi”, kanë deklaruar se janë paguar nga Kasandër Noga për të kryer një vrasje.

Në emisionin “Now” në Euronews Albania”, Delia u shpreh se Noga, i cili ndodhet aktualisht në burg në Belgjikë, kërkonte të merrte hak për vrasjen e të vëllait.

“Është një histori, të paktën nga rrëfimet që kanë bërë vetë ata, e vjetër që lidhet me një ngjarje që ka ndodhur te Sanatoriumi në vitin 2000. Ata pretendojnë që janë paguar nga Kasandër Noga, i cili tani është në Belgjikë. Është arrestuar në Vjenë për llogari të Belgjikës dhe ndodhet atje, për një plagosje.

Është një ngjarje që ndodhi për hasmëri, Kasandër Nogës i vranë vëllanë dhe mikun e tij. Më pas, u dyshua me një mikun e tij që vranë për të marrë gjakun e vëllait dhe kjo histori vazhdon. Vëllezërit Beqiraj pretendojnë që për një rast janë paguar nga ky person bashkë me 23-vjeçarin, që dyshohet të jetë vrasës me pagesë. Ishte rasti për të vrarë hasmin e Kasandër Nogës, që këta ngatërruan objektiv dhe vranë dikë që nuk kishte lidhje fare. Në lidhje me “Rrumin e Shijakut”, nuk del në skenë asgjë”, theksoi Delia.

Gjykata e Durrësit ka vendosur masën e sigurisë “Burg pa afat” për dy vëllezërit Indrit dhe Gentian Beqiraj si dhe për punonjësin e Policisë së Burgjeve, Flamur Bejko.

Ata dhe 10 persona të tjerë për të cilët u caktua masa e sigurisë “burg me afat 45 ditë”, u arrestuan dy ditë më parë në kuadër të operacionit policor të koduar “Porositësi”.

Në gjendje të lirë u la Fatjon Hajdari, ndërsa në kërkim janë shpallur pesë të tjerë, ndër to, edhe Aleksandër Laho, i njohur ndryshe si “Rrumi i Shijakut”.

Ky i fundit është shpallur në kërkim për heqje të paligjshme të lirisë.

Dyshohet se Laho organizoi rrëmbimin e dy vëllezërve Beqiraj në autostradën Tiranë-Durrës, pasi këta të fundit po planifikonin ta vrisinin.

LEXONI GJITHASHTU

• Rexhepi tregon çmimet e vrasjeve të kriminelëve: Me 6000 euro të marrin jetën
• Shemsi Prençi: Pse do shkojë më keq çështja e inceneratorëve
• Planifikonin vrasjen e “Rrumit të Shijakut”, lihen në burg dy vëllezërit Beqiraj