Historia e Shqipërisë në 61 vepra, ekspozita në Sarandë me përjetimet e shoqërisë  

61 vepra të piktorëve dhe skulptorëve vendas, që tregojnë historinë e shoqërisë shqiptare në mënyrë kronologjike, po shfaqen për publikun në galerinë e artit në Sarandë.

Veprat u përkasin rreth 60 autorëve, nga Saranda dhe jo vetëm.

“Sot janë të ekspozuara 61 vepra ku janë vepra peizazhe, portrete me ngjyra vaji, akuarel, materiale të forta , skulpture, gur…”, thotë Lefter Çeko.

Tematika e veprave të punuara në tablo apo skulptura janë përjetimet e shoqërisë shqiptare në periudha të ndryshme kohore.

Ekspozita që ka pasur interes të lartë nga publiku do të vazhdojë të qëndrojë e hapur deri në datën 23 nëntor.

“Pra, që të gjitha tregojnë jetën, psikologjinë e asaj kohe, pra janë ekspozitë që shfleton historinë ë asaj periudhe në mënyrë konvencionale të dukshme nëpërmjet ngjyrave, pasteleve… Kjo ekspozitë vazhdon të jetë deri në datën 23 dhe pastaj ne do të kemi një tjetër ekspozitë që na vjen nga fondi i galerisë kombëtare”, tregon Çeko.

Kjo ekspozitë, me në fokus shoqërinë dhe autorët shqiptar, do të pasohet nga një tjetër ekspozitë me motive kombëtare, në kuadër të muajit të Pavarësisë.

LEXONI GJITHASHTU:

• Billa, feston ditëlindjen me hapjen e showroomit të ri. Ekspozita më e madhe në Jug
• Një tualet ari me vlerë 5 mln paund grabitet nga ekspozita e pallatit britanik