Historia e vajzës shkodrane që krijoji biznesin e saj tek tradita artizanale

Lola Lumi është një e re që vendosi të provojë të rrugën e sipërmarrjes pavarësisht se fillimi ishte tejet e vështirë .

Me shumë vështirësi dhe në kushtet e pamundësisë ekonomike, ajo vendosi të ndërmerrte nismë për krijimin e një biznesi të vogël artizanal, zanat të trashëguar nga nëna e saj.

“Unë jam rritur me punimin e dorës, pasi dihet që gjyshet tona kanë punuar vazhdimisht. Sigurisht edhe mami im dhe nga ato kam filluar ta marr si ide dhe e kam kompozuar me elementë moderne”, u shpreh ajo.

Me kalimin e kohës , ëndrra e saj filloi të merrte formë dhe rrjetet sociale e ndihmuan së tepërmi.

“Bizneset online vitet e fundit pas pandemisë kanë filluar të kenë një rritje të madhe. Kjo na dha një rritje të madhe, nëpërmjet instagramit”, tregon më tej Lumi.

Produktet ekologjike dhe kryesisht artizanale u pëlqyen shumë nga turistët dhe lindën nevojën që biznesi i saj të zgjerohej dhe të punësonte dhe gra të tjera në nevojë, në zonat e thella malore të cilat e kanë të vështirë integrimin.

Lola dëshiron që kontributin e saj ta japë në Shqipëri dhe ka zgjedhur të jetojë këtu. Shkodra ka një potencial të madh turistik që duhet të vihet në funksion nga të rinjtë.

LEXONI GJITHASHTU:

• Gruaja që bën veshje tradicionale tregon detajet e çdo krahine