Historia e Zamirës nga Durrësi që kujdeset për 24 qen të pastrehë

24 qenushë janë pjesëtarë të një shtëpie të vetme, asaj të Zamira Kuçit në Durrës. Disa nis dhe përfundon duke u kujdesur për ta.

“Unë që kur kam lindur, jam rritur me kafshë shtëpiake. Jam 24 orë me këto. Kjo ka qenë gjithmonë ëndrra ime, të kujdesem për kafshët”, tregon Zamira.

Qen të braktisur dhe të humbur kemi hasur çdo ditë në rrugë.  Zamira na tregon si i ka gjetur disa prej tyre.

“Kafshët që unë kam marrë në shtëpinë time janë marrë historikisht nga rruga. Ka shumë pronarë të papërgjegjshëm”, thotë ajo.

Duke qenë pjesë e një organizate të huaj, Zamira ka mundësi të kujdeset për 24 qenushët e saj në banesë.

Shumë të tjerë enden rrugëve. Sot lehtësisht çdokush mund të braktisë një kafshë shtëpiake, sepse identifikimi i tyre ndonëse i detyrueshëm me ligj, nuk është vënë në zbatim.

“Në Shqipëri ekziston ligji, nuk ekziston sistemi, se mikroçipe kemi. Duhet të ketë një sistem të identitetit, mikroçip të kafshëve të shoqërimit. Kjo do ndalonte braktisjen e kafshëve”, shprehet Arieli, veteriner.

Si pasojë katërputroshët enden rrugëve pa një strehë, duke u bërë shpesh edhe rast rreziku për qytetarët.

LEXONI GJITHASHTU:

• Tirana ende pa Kopësht Zoologjik, kafshët lihen në harresë
• Qentë në ndihmë të fëmijëve në pediatrinë e Kilit