‘Historike’, Rama: Askush nuk e imagjinonte që samiti do mbahej në Tiranë

Kryeministri Edi Rama e ka cilësuar një ngjarje historike mbajtjen e samitit të Bashkimit Evropian me vendet e Ballkanit Perëndimor, që aktualisht po zhvillohet në Tiranë.

Në një deklaratë për mediat, pas pritjes së 27 delegacioneve evropiane, Rama u shpreh se askush nuk e imagjonte që ky samit do të mbahej në Tiranë.

Ndër të tjera, Rama nënvizoi se Bashkimi Evropian ka nevojë për Ballkanin Perëndimor, aq sa Ballkani Perëndimor ka nevojë për Bashkimin Evropian.

“Është fantastike, është historike. Është diçka që edhe ata që kanë imagjinatën më të fortë, nuk e imagjonin që do të ndodhte dhe po ndodh në fakt, është diçka shumë e mirë. Është një shenjë e fortë e ndërgjegjësimit të Bashkimit Evropian dhe ka nevojë për Ballkanin Perëndimor, aq sa Ballkani Perëndimor ka nevojë për Bashkimin Evropian. Kjo është shumë e rëndësishme”, theksoi Rama.

LEXONI GJITHASHTU: 

• ‘I lumtur që jam në Shqipëri’, Macron: Solidaritet për integrimin e Ballkanit
• ‘Siguria e Evropës është sfiduar nga Rusia”, Marin: Çfarë do diskutojmë në samit
• Mitsotakis në Tiranë: Optimist se me qeverinë shqiptare do gjejmë zgjidhje për detin