Hodhën molotov te protesta e opozitës, ndalohet 49-vjeçari, procedohet një tjetër

Një 49-vjeçar është ndaluar nga policia pasi hodhi molotov në protestën e mbajtur para bashkisë së Tiranës, nga Aleanca për Mbrojtjen e Teatri dhe opozita.

Ai akuzohet për veprat penale “Prishja e qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr”, “Goditjet për shkak të detyrës” dhe “Vrasja me dashje” mbetur në tentativë.

Gjithashtu policia ka proceduar në gjendje të lirë një 22-vjeçar.

Njoftimi i policisë

Drejtoria Vendore e Policisë Tiranë, në lidhje me aktet e dhunshme të ushtruara gjatë protestës së zhvilluar më datë 28.05.2024, përpara Bashkisë Tiranë, nga Aleanca për Mbrojtjen e Teatrit, në vijim të veprimeve hetimore e procedurale dhe nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ndaloi shtetasin:

– S. B., 49 vjeç, banues në Thumanë, për veprat penale “Prishja e qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr”, “Goditjet për shkak të detyrës” dhe “Vrasja me dashje” mbetur në tentativë. Ky shtetas është ndaluar dhe më datë 08 maj, në lidhje me protestën e datës 07 maj 2024.

Gjithashtu u procedua në gjendje të lirë shtetasi K. B., 22 vjeç, banues në Tiranë.

Materialet i kaluan Prokurorisë për veprime të mëtejshme.

LEXONI GJITHASHTU:

• Mbahet protesta e 9-të e opozitës përballë bashkisë Tiranë, hidhet molotov
• Mbahet protesta e shtatë e opozitës te bashkia Tiranë, sulmohet godina me molotovë