Holandë, gjendet kanabis në qeset me karamele Haribo, tërhiqen nga shitja

Agjencia Holandeze e Sigurisë së Produkteve Ushqimore dhe të Konsumatorit (NVWA) njoftoi se kanabisi u gjet në qeset e mëdha me karamele Harib “Happy Cola F!ZZ” (Happy Cola F!ZZ), prandaj produkti u tërhoq nga shitja në të gjithë vendin.

Zbulimi erdhi pas raportimeve se disa anëtarë të një familjeje u sëmurën pasi hëngrën produktin, raportoi sot “NL Times”.

Kontaminimi u zbulua pasi familja raportoi simptomat në polici, duke bërë që NVWA të merrte mostra të karameleve, të cilat rezultuan pozitive për kanabis.

Shkaku i saktë i kontaminimit me kanabis mbetet i panjohur dhe hetimi për këtë incident është duke vazhduar.

“Situata shkon përtej problemeve të thjeshta shëndetësore. Ne kontaktuam menjëherë kompaninë Haribo, e cila lëshoi ​​një paralajmërim sigurie”, tha zëdhënësi i NVWA-së për “Hart van Nederland”.

Deri më tani, janë identifikuar vetëm tre qese me karamele të kontaminuara me kanabis, por Haribo po e tërheq të gjithë serinë si masë paraprake.

LEXONI GJITHASHTU:

• Reklamoi karamelet me fibra, arrestohet influencerja e njohur vietnameze
• Hëngrën karamele me kanabis, dhjetra nxënës në Xhamajkë shtrohen në spital