Homazhe për Jorgo Papingjin/ Autori i mbi 4 mijë poezive u shua në moshën 81-vjeçare

Jorgo Papingji, shkruesi i disa prej teksteve më në zë në muzikën shqiptare është shuar në moshën 81-vjeçare.

Sot u mbajten homazhet e Jorgo Papingjit, një mjeshtër fjalësh, poezia e të cilit e gjeti shtëpinë e saj në meloditë e këngës. Me laps në dorë, ai hartoi vargje që flisnin deri në thellësi të shpirtit njerëzor.

Papingji u lind në Vlorë më 10 qershor të vitit 1942. Ne karrierën e tij prej thuaj pese dekadash ai numëron mbi 4000 poezi të mirëfillta, poezi te cilat I veshi me muzike duke lënë shenjë në shoqërinë shqiptare.

Ndër këngët e shkruara nga Papingji veçohen “Kur jemi bashkë të dy” e vitit 1980 kënduar nga Luan Zhegu, ‘Vetem nje Fjale’ e kenduar nga e Elsa Lila, ‘Sjam Tribu’ kenduar nga Aurela Gace, ‘Te dua o jete’ kenduar nga Ema Qazimi, “Kur e humba një dashuri” e kënduar nga Manjola Nallbani dhe shume kenge te tjera.

Pavarësisht pikëllimit të saj, bashkëshorja Tatjana gjen ngushëllim në faktin se Jorgo iku i përmbushur dhe gjen forcë në kujtimet që krijuan së bashku.

Si një artist të talentuar, por edhe si një njeri të jashtëzakonshëm e kujtojnë dhe miqtë e kolegët.

Sot, Jorgo Papingji mbetet një nga figurat me të dashura ne historinë e muzikës shqiptare. Kontributi i tij i padisutueshem ne artin dhe kulturën e vendit do të qëndrojë gjithmonë në kujtesën tonë. I dekoruar me titullin “Mjeshtri i Madh” nga Presidenti i Republikës, Papingji është autor i 5 këngëve fituese në “Festivali i Këngës”, njëra prej të cilave ka marrë pjesë edhe në Festivalin Evropian i Këngës në vitin 2014.

LEXONI GJITHASHTU:

• Broja kthehet në sulmin kuqezi, Sylvinho konfirmon zgjedhjet e “njëjta” ndaj Kilit 
• Korçë| 16-vjeçarja thyen xhamat e makinës së njerkut të saj