Humb jetën 42-vjeçari në vendin e punës, arrestohet drejtori teknik i firmës

Një 66-vjeçar është arrestuar nga policia pasi në firmën ku ai ishte drejtues teknik, një 42-vjeçar ka humbur jetën.

Punëtori, banues në fshatin Ibë, ra nga lartësia e objektit, dyshohet për shkak të mungesës së sigurimit teknik në punë.

Njoftimi i policisë:

Specialistët për Hetimin e Krimeve të Komisariatit të Policisë Nr. 1 arrestuan shtetasin A. B., 66 vjeç, banues në Tiranë, me detyrë drejtues teknik në një firmë, pasi ditën e djeshme, në Lundër, dyshohet se për shkak së mungesës së sigurimit teknik në punë, ka rënë nga lartësia e objektit ku ishte duke punuar, shtetasi A. M., 42 vjeç, banues në fshatin Ibë. Si pasojë e plagëve të marra, 42-vjeçari ka humbur jetën në spital.

LEXONI GJITHASHTU:

• Ndeshja Shqipëri-Çeki, Balla takim me drejtues të policisë dhe FSHF: Asnjë tolerim
• Digjet makina e efektivit të policisë në Pogradec, dyshimet e para