Ndeshja Shqipëri-Çeki, Balla takim me drejtues të policisë dhe FSHF: Asnjë tolerim

Ministri i Brendshëm, Taulant Balla ka zhvilluar një takim me drejtues të policisë së shtetit dhe FSHF lidhur me mbarëvajtjen e masave në kuadër të ndeshjes Shqipëri-Çeki, që do të luhet mbrëmjen e sotme në Air Albania.

Balla tha se të jenë një numër rekord punonjësish policie të angazhuar për sigurinë publike ndërsa kërkoi të mos ketë asnjë tolerim që mund të cenojë sigurinë e ndeshjes.

“Dua të jem i qartë me sportdashësit dhe tifo-grupet, nuk do të tolerohen raste dhune dhe masat do të jenë drastike. Jemi duke studiuar që Policia të rimarrë sigurinë për ndeshjet e mëdha, për mbarëvajtjen e tyre në bashkëpunim me FSHF. Për të gjithë sportdashësit dua të përsëris thirrjen për të mos tentuar të hyjnë me lëndë piroteknike, të cilat sjellin dëmtime të imazhit të vendit. Të rritim vigjilencën para ndeshjes dhe gjatë kontrolleve. Do të kemi një numër rekord punonjësish policie të angazhuar për sigurinë publike. Kërkoj mirëkuptimin e gjithë tifozëve, qytetarëve dhe atyre që vijnë nga jashtë Shqipërisë, si Presheva, Kosova, Maqedonia e Veriut, Mali i zi, apo dhe diaspora, të kuptojnë që mbërritja në stadium të mos jetë orën e fundit, por të jetë e shtrirë në 3 orët që paraprinë eventin për të bërë verifikimet e duhura”, tha Balla.

LEXONI GJITHASHTU:

• Ndeshja Shqipëri-Çeki/ Policia publikon planin e masave, rrugët që do të bllokohen
• Ndeshja Shqipëri-Çeki| Gazetari: S’mund të shkojnë gratë para burrave në stadium