Humb jetën aksidentalisht 50-vjeçarja në Vlorë, u rrëzua teksa ecte në rrugë

Një grua ka humbur jetën aksidentalisht të enjten në qytetin e Vlorës.

Gruaja e moshës rreth 50 vjeç ka qenë duke ecur në bulevardin “Ismail Qemali” të qytetit kur është rrëzuar përtokë. Pas rrëzimit gruaja ka humbur jetën menjëherë.

Nga hetimet paraprake dyshohet se vdekja i ka ardhur pasi ka përplasur kokën në një prej bordurave të bulevardit të Vlorës.

Përmes një njoftimi për mediat policia tha se ngjarja ndodhi në lagjen “Pavarësia 2”, në bulevard, përballë stadiumit, një shtetase rreth 50 vjeçe dyshohet se si pasojë e erës së fortë, është rrëzuar dhe është përplasur në trotuar, duke ndërruar jetë.

Grupi hetimor po punon për sqarimin e plotë të rrethanave të rastit, si dhe për identifikimin e viktimës.

LEXONI GJITHASHTU:

• Vrau me grushte ndërtuesin në Vlorë, Gjykata e Lartë rrëzon rekursin e 35-vjeçarit
• Ish-kryeprokurori i Vlorës i kërkon Gjykatës së Lartë të rrëzojë vendimin e Apelit