Humb jetën i riu, bie nga kati i fundit i pallatit në Durrës

Një djalë i ri, dyshohet rreth 22 vjeç ka humbur jetën pasi ka rënë nga kati i fundit i një pallati në lagjen 3 në Durrës.

Ai ka rënë në ballkonin e katit të katërt në pallatin ngjitur, ndërsa ende nuk dihet nëse ngjarja ka qenë aksidentale apo djali është hedhur vetë.

Burime për gazetaren e Euronews Albania, Kloida Gjuzi bëjnë me dije se viktima me inicialet K.T., ka qenë në banesë me vëllain dhe disa shokë. Vëllai ka telefonuar për të informuar mbi rastin dhe bëhet me dije se janë shoqëruar në polici. Ambienti nuk ka kamera dhe pas dërgimit të trupit në morgun e Durrësit, do të jetë marrja në pyetje ajo që do të ndihmojë në zbardhjen e dinamikës së ngjarjes dhe rrethanat.

Nëna e djalit ka qenë në vendngjarje, bën me dije Gjuzi, ndërsa sqaron se ka pasur dhe banorë të shumtë që janë mbledhur, përveç forcave të policisë, ambulancave dhe zjarrfikëses.

LEXONI GJITHASHTU:

• Situata e motit të keq në Durrës, dëmet që janë shkaktuar nga stuhia
• Moti i keq në Shqipëri: Përmbytje në Durrës, thyhet pema mbi makina në Shkodër