Shërbimet e Policisë kanë shpëtuar 3 turistë grekë, të cilët kishin humbur orientimin gjatë eksplorimit me motomjete në malin e Priskës, në fshatin Pavar, Ballaban. Shkaku i humbjes së orientimit ishin kushtet e vështira atmosferike, terreni i thyer dhe errësira.
- Advertisement -
Pas njoftimit të marrë nga turistët grekë, të cilët kërkonin ndihmë, shërbimet e Komisariatit të Policisë Përmet janë drejtuar në zonë për t’u ofruar ndihmë.
Pas lokalizimit të tyre, turistët janë transportuar në një hotel në Ballaban dhe janë akomoduar në gjendje të mirë shëndetësore. Ndërkaq, motomjetet e tyre do të transportohen ditën e nesërme në Këlcyrë.
Turistët kanë shprehur mirënjohje për reagimin e shpejtë dhe profesional të shërbimeve të Policisë.
LEXONI GJITHASHTU:
- Durrës| 62-vjeçarja bie nga kati i dytë, transportohet me urgjencë në spital
- U kthye nga Greqia në Shqipëri, 26-vjeçarja hap qendrën e trajnimit për fëmijë
