Humbën rrugën ndërsa eksploronin Pogradecin, gjenden 5 turistët çekë

Policia e Pogradecit u shkoi në ndihmë 5 turistëve çekë, të cilët kishin humbur rrugën, duke eksploruar zonën e Jollës.

Ditën e sotme, një grup punonjësish të Komisariatit të Policisë Pogradec, gjatë kontrollit të territorit, pasi kanë marrë njoftim se në fshatin Zgallë, njësia administrative Velçan,

5 turistë çekë kishin humbur rrugën duke eksploruar këtë zonë, kanë shkuar menjëherë në adresën e dhënë, ku kanë bërë të mundur lokalizimin e turistëve.

Punonjësit e Policisë i kanë shoqëruar turistët dhe i kanë orientuar në rrugë, ku më pas ata kanë marrë edhe mjetet e tyre motorike. Turistët çekë kanë falënderuar punonjësit e Policisë, për ndihmën e ofruar.

LEXONI GJITHASHTU:

• U kap me 45 kg kokainë e mbi 400 mijë euro cash, dënohet shqiptari në Itali
• Ulet numri i krerëve të imta në Korçë, 10% më pak nga viti i kaluar