Humbësit në “British Grand Prix”

1-George Russell: Garazhi i Mercedes u nda në dy pjesë, ku njëra festonte suksesin e Hamilton ndërsa tjetra zhgënjimin e George Russell që u tërhoq nga gara për një defekt në sistemin e qarkullimit të ujit. Kjo ishte tërheqja e 2’të në 3 gara në Silverstone për britanikun.

2-Sergio Perez: Një tjetër fundjavë zhgënjyese për meksikanin që nuk u fut në sesionin e 3’të kualifikues për të 5’ën në 6 garat e fundit. Checo e mbylli garën i dubluar 2 herë nga Hamilton në vendin e 17’të duke mos marrë pikë në 3 nga 5 garat e fundit dhe duke mos u ngjitur në podium për të 7’ën garë.

3-McLaren: Jo shumë larg nga sot, vendet 3 dhe 4 do të ishin një festë e madhe për anglezët por këtë sezon ata i kanë rritur shumë pritshmëritë dhe në Silverstone gabuan vetë për ti realizuar ato. Vendimet e gabuara për gomat dhe koha e ndërrimit të tyre, shkatërruan garën e binomit Norris-Piastri.

4-Charles Leclerc: Piloti monegask pranoi se nuk kishte fjalë të shjegonte atë cka po ndodh me Ferrari’n. Pas fitores në Monaco, Leclerc ka marrë pikë vetëm në 1 nga 4 garat e fundit duke u renditur në vendin e 14’të në Silverstone.

5-Alpine: Seria me 4 gara në zonën e pikëve për Alpine u ndal në Silverstone. Pierre Gasly që u nis i fundit për shkak të ndërrimit të motorrit, u tërhoq në fund të xhiros së formatimit. Ndërsa Esteban Ocon u ankua për gabime në strategji që e çuan në vendin e 16’të, dy xhiro pas kryesuesit.

LEXONI GJITHASHTU:

• Formula 1, Italia rrezikon të humbasë një garë
• Formula 1 starton sezonin evropian