Formula 1, Italia rrezikon të humbasë një garë

Historia dhe tradita nuk mjaftojnë që një pistë të jetë pjesë e kalendarit të Formula 1. Alarmin e ngre Stefano Domenicali duke thënë se Italia rrezikon të humbasë një garë nga viti 2026. Drejtori i Përgjithshëm i Formula 1 foli për shtypin vendas duke kërkuar më shumë burime financiare të investuara në sportin e shpejtësisë.

Që Imola dhe Monza të sigurojnë kontrata të reja duhet që shteti italian të investojë në infrastrukturë. Konkurenca është e madhe pasi në këtë moment ka shumë vende nga Lindja e largët, SHBA dhe vetë Evropa që janë gati të futen në kalendar. Madridi ka demonstruar që është gati të investojë për dicka të tillë.

Domenicali konfirmoi se drejtuesit e garës në Monza do të zhvillojnë një takim të rëndësishëm për të ardhmen me përfaqësues të qeverisë në Apenine. Cdo vend që nuk ka dëshirë të investojë dhe bashkëpunojë në terma afatgjatë, rrezikon të humbasë garën e mbyll Domenicali.

LEXONI GJITHASHTU:

• Ferrari çmonton Mercedes
• Mercedes “hap thesin” për kampionin e Red Bull
• Norris mundi Verstappen për fitoren e parë në Formula 1