Një 34-vjeçar në Pukë ka humbur jetën pasi është aksidentuar teksa drejtonte automjetin e tij.
Ai që prej mbrëmjes së djeshme kishte humbur kontaktet me familjarët dhe Policia e gjeti automjetin e tij teksa kishte rëndë 50 metra poshtë rrugës e rrjedhimisht edhe trupin e pajetë të të riut.
Shkak i aksidentit dyshohet të jetë bërë moti i keq, ndërkohë që po punohet për sqarimin e plotë të rrethanave të ngjarjes.
Njoftimi i Policisë:
Pukë/Informacion paraprak
Mëngjesin e sotëm, familjarët e shtetasit G.K, 34 vjeç, banues në fshatin Berishë Vendi, kanë njoftuar Policinë se kishin humbur kontaktet me shtetasin G.K, që prej mbrëmjes së datës 28.09.2024.
34 vjeçari ditën e djeshme kishte shkuar në fshatin Iballë dhe në mbrëmje kishte njoftuar familjen se po kthehej për në banesë.
Gjatë kontrollit të rrugës paraditen e sotme, në vendin e quajtur “Laku i Qershisë”, në një rrugë dytësore që të çon në lagjen Bullicë të fshatit Berishë Vendi, rreth 50 metra poshtë rrugës është gjetur i pajetë shtetasi G.K.
Dyshohet se shtetasi G.K, duke u kthyer me automjet për në banesë, si pasojë e motit të keq ka humbur kontrollin mbi drejtimin e automjetit dhe automjeti ka dalë nga rruga.
Grupi hetimor nën drejtimin e Prokurorisë po punon për sqarimin e rrethanave dhe shkakut të aksidentit.
LEXONI GJITHASHTU:
- Aksident në Kamëz, përplaset për vdekje 36-vjeçari
- Aksident me vdekje në Vlorë, makina përplas 46-vjeçarin me biçikletë
