Humbi jetën në moshën 73-vjeçare, nisin homazhet për mjeshtrin e madh Zef Deda

Kanë nisur homazhet në Shkodër për mjeshtrin e madh të artit Zef Deda, i cili humbi jetën ditën e djeshme në moshën 73-vjeçare. Siç shihet në homazhe kanë qenë të pranishëm miq, familjarë, kolegë e të afërm.

Zef Deda ishte një nga komedianët më të njohur shqiptar, i cilësuar edhe si Charlie Chaplin i Shqipërisë.

Lindi në Shkodër më 27 korrik 1950. U shkollua në qytetin e tij të lindjes, dhe ndoqi politeknikumin e ndërtimit në Tiranë. Filloi shkollën e lartë për gjuhë – letërsi, por nuk e mbaroi dot për arsye shëndetësore. Ka punuar për më shumë se 40-vite në Teatrin Migjeni të Shkodrës.

Talenti i tij spikat që në moshë të vogël. Me një shkathtësi dhe me një plastikë të shkelqyër psiko-fizike ai arrine të realizojë qindra figura artistike. Prandaj ishte mjaft i dashur për publikun shqiptar, sidomos atë Shkodran. Pas një shkeputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit, të cilin e vazhdoi me sukses.

Zef Deda ishte i martuar me Rozina Dedën dhe ka dy djem, Julian Deda dhe Marjan Deda. Zef Deda gjithashtu ka interprertuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”.

LEXONI GJITHASHTU: 

• Bashkia Shkodër: Zef Deda la pas një rol të pazëvëndësueshëm në skenat shqiptare
• Berisha mban një minutë zi: Zef Deda ia kushtoi dhuntinë e tij të vërtetave të artit