Humoristi që s’e braktisi Dibrën! Agim Skara vijon të kontribuojë për qytetin e tij

I njohur për një sërë rolesh e interpretimesh unike, aktori I humorit, Agim Skara, vijon të kontribuojë për qytetin e tij. Me projektin “I këndoj qytetit tim”, humoristi kërkon t’i japë gjallëri Dibrës.

Aktori që nuk e braktisi vendlindjen dhe vazhdon të bëjë më të mirën për qytetin e tij. Agim Skara është një humorist dibran i njohur për talentin e tij, si dhe me një karrierë të gjatë në estradën profesioniste të qytetit të Peshkopisë. Për vite me radhë, ai ka performuar në shumë shfaqje me një stil unik në interpretimin e shumë roleve, që e bënë atë një nga humoristët më të preferuar në vend.

Me superlativa flasin për të edhe aktorët e mirënjohur të humorit aktori me origjinë dibrane Behar Mera, si dhe parodisti nga Vlora Afrim Agalliu.

Edhe pse ka dalë në pension, aktori humorist Agim Skara vazhdon të kontribuojë për qytetin e tij të lindjes që nuk e braktisi kurrë.

LEXONI GJITHASHTU:

• VIDEO| Navalny në gjykatë, një ditë para vdekjes. I shëndetshëm e me humor të mirë
• Meta ngushëllon familjen Deda: Humbje e madhe për humorin dhe artin shqiptar