Zyrtarë të Qendrës për Luftën kundër Terrorizmit të Ministrisë së Punëve të Brendshme të Hungarisë dhe pjesëtarë të Njësisë Speciale kundër Terrorizmit të Ministrisë së Punëve të Brendshme të Republikës Sërpska po zhvillojnë një stërvitje dhe trajnim të përbashkët në Bosnje-Hercegovinë.

Ushtrimet po mbahen në Qendrën e Trajnimit pranë Banjallukës, me fokus avancimin e aftësive të sigurisë dhe luftën kundër terrorizmit. Ky bashkëpunim u formalizua përmes një memorandumi mirëkuptimi të nënshkruar nga drejtuesit e dy institucioneve policore, Sinisha Kostresheviq dhe Janosh Hajdu, duke synuar shkëmbimin e informacionit dhe trajnime të përbashkëta.

Presidenti i Republikës Sërpska, Millorad Dodik, deklaroi se në Bosnjë dhe Hercegovinë kanë mbërritur 300 forca speciale hungareze për të marrë pjesë në këto stërvitje, të cilat do të vijojnë edhe në ditët në vijim në disa lokacione të Republikës Sërpska.

LEXONI GJITHASHTU:

• BE shpreh shqetësim rreth ndërhyrjes në organizatat e shoqërisë civile në Serbi
• Zgjedhjet në Kosovë, sot pritet të fillojë numërimi i votave nga diaspora