Hungaria humb “shansin” e parë për të paguar gjobën 200 milionë euroshe nga GJED

Hungaria ka humbur afatin e parë për të paguar gjobën prej 200 milionë eurosh të vendosur nga Gjykata Evropiane e Drejtësisë (GJED).

Kjo ka bërë që Brukseli të dërgojë një kërkesë të dytë për pagesë, duke krijuar terren për një përplasje të afërt kokë më kokë.

Afati i ri për shlyerjen kësaj pagese është 17 shtatori.

Mësohet se Hungaria kishte akses të kufizuar në procedurat e azilit për ata që kërkonin mbrojtje ndërkombëtare, duke e bërë “praktikisht të pamundur” paraqitjen e kërkesave.

Autoritetet hungareze u ndëshkuan për mbajtjen e paligjshme të azilkërkuesve në të ashtuquajturat “zona tranziti” në kushte të ngjashme me paraburgimin dhe shkeljen e të drejtës së tyre për t’u ankuar.

Nëse Budapesti nuk e paguan shumën e përgjithshme deri atëherë, Komisioni Evropian do të jetë i detyruar të nisë të ashtuquajturën “procedurë kompensimi” dhe do të zbresë 200 milionë euro nga pjesa e ndarë e buxhetit të Hungarisë në BE. 

LEXONI GJITHASHTU:

• BE e shqetësuar nga Hungaria, vendet baltike e nordike në alarm për vizat
• “Hungaria po rrezikon BE”- Brukseli kërkon ndalimin e vizave për rusët