I akuzuar për sulm seksual, futbollisti rrezikon 9 vite burg

Muaji shkurt do të jetë vendimtar për futbollistin Dani Alves, i cili vijon të qëndrojë në paraburgim. Braziliani i arrestuar me akuzën e ngacmimit seksual ndaj një të reje rrezikon deri në 9 vite burg, kjo sipas kërkesës së bërë nga prokuroria e Barcelonës.

Lojtari më i titullaur në historinë e futbollit ka dhënë dëshmi të ndryshme në lidhje me ngjarjen, por në fund ka marrë përsipër përgjegjësinë.

Sa i përket kërkesës së prokurorisë publike ka kërkuar 10 vite liri të mbikëqyrur dhe 150 mijë euro dëmshpërblim ndaj viktimës. Në dëshminë e dhënë, 30-vjecarja e cila u sulmua seksualisht nga futbollisti ka bërë të ditur se dëshiron një dënim më të lartë ndaj tij, konkretisht 12 vite burg. Seanca përfundimtare do të zhvillohet javën e parë të muajit shkurt, ku dhe do të jepet vendimi ndaj tij.

Kujtojmë se ngjarja në fjalë është regjistruar në 30 dhjetor të vitit të shkuar në një nga klubet e natës në Barcelonë. Dani Alves u pa teksa bisedonte me një vajzë, të cilën më pas e ka ngacmuar seksualisht. Ka qenë viktima ajo e cila ka denoncuar rastin në polici, ndërsa menjëherë nisën hetimet për rastin, teksa vetë futbollisti vijon të qëndrojë nën arrest prej disa muajsh.

LEXONI GJITHASHTU:

• Transportonte armë nga Kosova në Shqipëri, kapet në flagrancë 20-vjeçari
• Përfaqësuesi i Transportit: 200 urbanë janë në Tiranë, duhen më shumë