I akuzuar për tendera korruptivë, Lefter Alla ankimon vendimin në Apel

Ish-kryebashkiaku i Bulqizës, Lefter Alla kundërshton vendimin e Shkallës së Parë për Korrupsion dhe Krim të Organizuar.

Kjo e fundit caktoi ndaj tij masën e sigurimit “arrest me burg” për një tender me vlerë mbi 2.8 milion euro, me akuzën e “Shkeljes së barazisë së pjesëmarrësve në tendera apo ankande publike” dhe “Shpërdorim detyre”.

Mbrojtja e Allës pretendon se akuza e shkeljes së barazisë në tendera e ngritur nga SPAK është e pabazuar dhe në shkelje të ligjit.

Gjyqtarja e Apelit të Posaçëm, Saida Dollani, do të vendosë nëse do e pranojë kërkesën e të pandehurit apo jo. Ndërkohë, seanca pas shortimit të gjyqtares është caktuar të mbahet këtë të premte në orën 09:30, pranë Apelit të Posaçëm.

Lefter Alla u arrestua në mesin e muajit të kaluar bashkë me 12 persona të tjerë, dy prej të cilëve u lanë në arrest shtëpie, zyrtarë të Bashkisë së Bulqizës apo përfaqësues të biznesit që përfituan tenderin.

LEXONI GJITHASHTU: 

• Të konsumosh drogë në parqe, qytetarët në Elbasan të frikësuar: Ka shirnga kudo
• VKM për konfiskimin e pronave, shtyhet seanca në GJK. Bardhi: Taktikë e qeverisë