VKM për konfiskimin e pronave, shtyhet seanca në GJK. Bardhi: Taktikë e qeverisë

Është shtyrë seanca në Gjykatën Kushtetuese për padinë e grupit parlamentar të PD-së kundër vendimit të qeverisë për konfiskimin e ndërtimeve pa leje.

Sekretari i Përgjithshëm i PD-së, në një deklaratë për mediat, tha se kjo është një taktikë për të zvarritur më tej këtë çështje.

Sipas tij, padia e PD-së është shqyrtuar që në tetor të vitit të kaluar dhe çështja tashmë duhej të ishte mbyllur.

“Është një taktikë për të zvarritur më tej këtë çështje. Grupi parlamentar e ka depozituar padinë që në muajin tetor. Për shkak të interesit publik duhet te kishim një shqyrtim shumë kohë më parë. Mesa duket, Këshilli I Ministrave ka vendosur që të zvarrisë më shumë këtë çështje. Nëse Gjykata vendos që ka nevojë për firma plus që ka në dosje, ne jemi të gatshëm të sigurojmë edhe firma të tjera. 63 opozitarët në Kuvend do të ishin të gatshëm që të depozitonin një akt antikushtetues të Edi Ramës. Është fakt që kolegët kanë qenë deputetë kur kanë vënë në lëvizje Gjykatën Kushtetuese dhe nuk asnjë arsye për t’iu shmangur kësaj çështje. I shërben interesit publik që Gjykata ta shqyrtojë sa më parë këtë çështje”- tha Bardhi.

LEXONI GJITHASHTU: 

• Dokumentet amerikane: Egjipti, prodhon fshehurazi raketa për Rusinë
• VKM për konfiskimin e pronave, shtyhet seanca në GJK. Bardhi: Taktikë e qeverisë