“I arratisur gjatë komunizmit, sot biznesmen në SHBA”, historia që u kthye në libër

Sot është një biznesmen në SHBA, por në vitin 1989, gjatë periudhës së komunizmit, Beqir Potka vendosi që të arratisej në moshën 23-vjeçare.

Historia e tij është kthyer në një libër me titull “American Dream”, autori i  të cilit është shrkimtari, Eris Rusi.

Në një intervistë për Euronews Albania, Beqir Potka tregoi sesi u arratis dhe u zhvendos në Shtetet e Bashkuara të Amerikës.

“Jam arratisur më 8 shkurt të vitit 1989. Ishte 23 vjeç. Familja ime ka qenë e persekutuar që kur filloi komunizmi të hynte në fuqi. Vëllai i gjyshit ishte në Amerikë, shkoi në emigrim rreth 1920-s. Punoi dhe i dërgonte paratë në Shqipëri gjyshit tim. Gjyshi im i investonte, blinte toka pjellore, i lëshonte me qira dhe pas reformës agrare na morën tokat. Isha 7 vjeç kur isha në fshat dhe ma arrestuan babain.

Rashë dakord me një kushëririn tim, duhet të gjenim mënyrën. Kishim një ushtar në kufi, në malin e Grazhdanit, marrim ushtarin me vete dhe arratisemi. Pasi ndenjëm 3 ditë në male, mbaruan biskotat që kishim, gjithçka. Pasim hymë në tokën helene, atje ishte akoma një gjë më e keqe, se nuk e dinim, ishim 32 shqiptarë në të gjithë Greqinë. Ushtria na mori në pyetje. Nuk na torturuan. Pas kësaj, aplikova që të shkoja si refugjat në Shtetet e Bashkuara. 16 muaj pas qëndrimit në Greqi, ambasada amerikane na aprovon që të shkojmë si refugjatë në Amerikë”, theksoi Beqir Potka.

LEXONI GJITHASHTU

• Sociologu: Jemi vendi që po plaket më shpejt, do detyrohemi të ‘importojmë’ të rinj
• Përse Gjirokastra ka nivelin më të ulët të lindshmërisë? Specialisti jep arsyet
• Jugu drejt shuarjes? Gjirokastra dhe Korça, qytetet me më pak lindje në 10 vite