Përse Gjirokastra ka nivelin më të ulët të lindshmërisë? Specialisti jep arsyet

Specialisti i Shëndetit Publik në Gjirokastër, Bledi Ahmeti thotë se ka disa arsye se përse në këtë qytet është regjistruar numri më i ulët i lindshmërisë.

Në një intervistë për Euronews Albania, Ahmeti u shpreh se emigracioni ka pasur një ndikim të madh, por edhe pandemia COVID-19.

Ahmeti shtoi se është rritur mosha e martesës dhe mosha e lindjes së parë të femrat.

Sipas tij, ka edhe një numër të shtuar të dicorceve.

“Edhe në Gjirokastër, kjo është reflektuar për disa arsye. Gjirokastra është rreth kufitar dhe rrjedhimisht është edhe rreth emigrator. Emigracioni në Gjirokastër është në shkallën më të lartë duke pasur parasysh edhe numrin e popullatës. Duke qenë se lëvizjet demografike të popullatës, kanë qenë  në përpjestime të mëdha, kjo është reflektuar edhe në numrin e lindshmërisë.

Në vitin 2018 kemi pasur 395 lindje, ndërsa në vitin 2022 kemi 285. Në këtë ulje të numrit të lindshmërisë ka ndikuar edhe pandemia e COVID-19. Por është edhe stili modern i jetesës që ka prekur vendin dhe r rethin tonë dhe ndikon maksimalisht në uljen e lindshmërisë. Është rritur mosha e martesës, është rritur mosha e lindjes së parë”, theksoi ai.

LEXONI GJITHASHTU

• Jugu drejt shuarjes? Gjirokastra dhe Korça, qytetet me më pak lindje në 10 vite
• 849 burra morën “leje lindje” në 2022, numri i përfituesve në rritje që nga 2015
• Franca dyfishon lejen e lindjes për baballarët