I arrestuar për trafik droge, kush është shqiptari i ekzekutuar në Athinë

Mediat greke kana publikuar foton 56-vjeçarit shqiptar Thimi Droboniku alias Thimi Prifti, i cili u ekzekutua me dy plumba jashtë banesës së tij në zonën e  Paleo Faliro, pranë Athinës.

Shqiptari u ekzekutua rreth orës nëntë të mbrëmjes së të enjtes, ndërkohë që hetimet në lidhje me rastin vijojnë ende.

Viktima nuk ishte i panjohur për organet e drejtësisë greke, pasi ishte arrestuar në vitin 2022 dhe akuzohej për pjesëmarrje në organizatë kriminale, tregti droge, kontrabandë cigaresh dhe falsifikime.

Ekipet e punonjësve të policisë së Departamentit të Vrasjeve kanë “krehur” zonën që prej mëngjesit të së premtes për të gjetur rrugën që është arratisur autori pas krimit.

Policia ka evidentuar gjithashtu dhe një makinë të braktisur rreth 1 km larg vendit të krimit, ku brenda saj janë gjetur kishte një armë ushtarake, një granatë dhe një cilindër plastik.

Në fakt, brenda automjetit u gjetën gjurmë gishtash të një tjetër krimineli të njohur shqiptar, rreth 39-vjeç.

Ai dyshohet se ka qenë i përfshirë në grabitjen e bankomateve, ndërsa në të kaluarën është arrestuar dy herë, një herë në Patra dhe një herë në Athinë.

Për momentin, megjithatë, nuk duket se ka asnjë provë që lidh dy rastet, përveç faktit se ato janë gjetur në një distancë të afërt.

LEXONI GJITHASHTU:

• Të shtëna me armë në Laknas, një i vdekur dhe një i plagosur
• Tentoi të vriste me sëpatë një 33-vjeçar, arrestohet autori dhe bashkëpunëtori i tij
• Qëlloi me sëpatë të riun në lokal, kush është autori me prcedentë të rrezikshëm