I dehur shkaktoi aksidentin ku vdiq 24 vjeçarja, Gjykata vendos për Jetmir Dacin

Gjykata e Elbasanit vendos arrest me burg pa afat për Jetmir Dacin.

Me kërkesë të Prokurorisë, Gjykata e Elbasanit ka vendosur masën “arrest me burg për afat” për Jetmir Dacin, i cili në 8 prill përplasi në rrugë në Prrenjas një tjetër automjet me 6 persona, duke lënë të vdekur një vajzë 24 vjeçare dhe 5 të plagosur.

Pas ngjarjes së rëndë, Dacit i është bërë testi i alkoolit ku rezultoi i dehur. Si pasojë e përplasjes me makinë humbi jetën 24-vjeçarja Eneida Pishkashi. Vajza tjetër e familjes Pishkashi, 10 vjeçe ka thyer këmbën e po ashtu fraktura ka pësuar dhe vajza 6-vjeçare.

E reja qëndroi prej 5 ditësh në gjendje kome në Spitalin e Traumës, por fatkeqësisht humbi jetën më 13 prill. 44-vjeçari ndonëse rezultoi i dehur kur shkaktoi aksidentin, nuk u arrestua ditën që ndodhi ngjarja. Jetmir Daci është hetuar i lirë deri më 13 prill kur e reja fatkeqësisht humbi jetën pas 5 ditëve në koma.

LEXONI GJITHASHTU:

• Aksidenti i rëndë me 4 të plagosur në Prrenjas-Qafë Thanë, arrestohet 44-vjeçari
• Shkencëtarët portugezë krijojnë aksidentalisht gjitarin me 6 këmbë