I dënuar me burg për vjedhje, arrestohet 38-vjeçari i shpallur në kërkim (EMRI)

Policia e Korçës këtë të mërkurë ka vënë në pranga një 38-vjeçar, pasi ishte shpallur në kërkim për vjedhje dhe drejtim të automjetit në mënyrë të parregullt.

Sipas raportimeve nga policia, është arrestuar Skerdi Lamçe, i cili është dënuar Gjykata e Shkallës së Parë e Juridiksionit të Përgjithshëm Vlorë me 1 vit e 4 muaj burgim për dy veprat penale.

“Shërbimet e Komisariatit të Policisë Maliq, në vijim të punës për kapjen dhe nxjerrjen përpara përgjegjësisë penale, të shtetasve që janë shpallur në kërkim për krime të ndryshme, lokalizuan dhe ndaluan shtetasin S. L., 38 vjeç.

Ai ishte në kërkim, pasi Gjykata e Shkallës së Parë e Juridiksionit të Përgjithshëm Vlorë e ka dënuar me 1 vit e 4 muaj burgim, për veprat penale “Vjedhja” dhe “Drejtimi i automjeteve në mënyrë të parregullt””, thuhet në njoftimin e policisë.

Materialet procedurale iu referuan Prokurorisë së Korçës, për veprime të mëtejshme.