I dënuar në Itali për shfrytëzim prostitucioni, 56-vjeçari arrestohet në Elbasan

Kapet dhe vihet në pranga një 56-vjeçar i dënuar nga autoritetet në Itali, me 4 vjet burgim, për veprën penale “Shfrytëzimi i prostitucionit”.

Artur Llupa alias Robert Cani alias Luan Tabaku, 56 vjeç, banues në Elbasan, është arrestuar këtëtë mërkurë në Elbasan në saj të operacionit policor “Sundimi i ligjit”.

Atij i kanë mbetur për të kryer edhe dy vite burg në vendin tonë.

Njoftimi i policisë:

Në zbatim të planit të masave të hartuar në kuadër të megaoperacionit mbarëkombëtar “Sundimi i ligjit”, për kapjen e shtetasve të shpallur në kërkim, bazuar në informacionet e siguruara nga inteligjenca policore, për vendndodhjen e një shtetasi në kërkim, shërbimet e Komisariatit të Policisë Elbasan kapën dhe vunë në pranga shtetasin:

Artur Llupa alias Robert Cani alias Luan Tabaku, 56 vjeç, banues në Elbasan.

Autoritetet gjyqësore shqiptare kanë njohur vendimin e autoriteteve gjyqësore italiane, për dënimin e këtij shtetasi, me 4 vjet burgim, për veprën penale “Shfrytëzimi i prostitucionit”. Nga ky dënim, 56-vjeçarit i kanë mbetur për të kryer në vendin tonë, 2 vjet burgim.

Materialet procedurale i kaluan Prokurorisë, për veprime të mëtejshme.