I dënuar për trafikim të qënieve njerëzore, sekuestrohen pasuritë e 34-vjeçarit

Pasuri me vlerë rreth 228 mijë euro janë sekuestruar nga autoritetet shqiptare pas një hetimi të gjerë lidhur me aktivitetet kriminale të një shtetasi të dënuar për trafikim të qenieve njerëzore.

Hetimet kanë çuar në sekuestrimin e 1 apartamenti dhe 2 automjeteve që ishin regjistruar në emër të babait të shtetasit Ismail Gjineci, 34 vjeç, banues në Tiranë. Gjineci është dënuar për veprën penale të trafikimit të qenieve njerëzore.

Pavarësisht se pasuritë ishin regjistruar në emër të babait të tij, ato ishin në fakt në pronësi të 34-vjeçarit të dënuar.

Në kuadër të hetimeve, është ekzekutuar vendimi i Gjykatës së Tiranës për vënien e sekuestros preventive mbi këto pasuri. Hetimi është ende në vazhdim, me synimin për të zbuluar asete të tjera të përfituara në mënyrë të paligjshme, që mund të jenë regjistruar në emër të individëve të tjerë, për të shmangur identifikimin e tyre si pasuri të përfituara nga veprimtaritë kriminale.

Materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• Mbyllet numërimi i votave të diasporës në Vlorë: Vasil Llajo shkon në Kuvend
• VIDEO/ “Shko në Shqipëri dhe mposhti ata”, kërkesa e Vuçiç për trajnerin e Serbisë