I depërtuar nga Anglia, kush është 27-vjeçari me “fermën” e kanabisit në Rehovë

Në vijim të planit operacional mbarëkombëtar të koduar “Territor i pastër” është finalizuar gjatë natës së djeshme operacioni policor i koduar “Rehova”.

Ka qënë një hetimi proaktiv disa mujor, i inicuar nga prokurorja Albiona Papajani, prokurore e Prokurorisë pranë Gjykatës së Shkallë së Parë të Jurisdiksionit të Përgjithshëm Berat, ajo që ka vënë në vëzhgim disa mujor aktivitetin kriminal të 27-vjeçarit Astrit Baja.

Proçedimi penal u krye disa muaj pas deportimit të Bajës nga Britania e Madhe, ku ai ishte arrestuar së bashku me një tjetër shqiptar në prill 2023 për një “shtëpi bari” që kapte vlerën e 100.000 paundëve. Sinjalizimet e mbërritura pranë organit të akuzës, pohonin se Astrit Baja kishte vijuar aktivitetin e paligjshëm të kultivimit të kanabisit në zonën e Rehovës, pas

Gjatë operacionit policor në fshatin Rehovë rezultoi se 27-vjeçari Astrit Baja kishte përgatitur disa vende në zonën e pyllëzuar me qëllim kultivimin e bimëve narkotike si dhe se kishte kultivuar në kubikë dhe në tokë, 287 fidanë kanabisi.

LEXONI GJITHASHTU:

• Gjenden 236 fidanë kanabis të mbjellë në pyll, arrestohet 29-vjeçari në Shkodër
• Shkodër| Sekuestrohen rreth 65 kg kanabis në formë çokollate