I dërguari special i Trump, do i bashkohet bisedimeve me Zelenskyn në Turqi
I dërguari special i Presidentit të SHBA-së, Donald Trump, Steve Witkoff, do të vizitojë Turqinë të mërkurën, më 19 nëntor, dhe do t’i bashkohet bisedimeve të planifikuara me Presidentin ukrainas Volodymyr Zelenskyy, tha një burim turk për Reuters.
“I dërguari i posaçëm i SHBA-së, Steve Witkoff, do të vizitojë Turqinë të mërkurën dhe do të marrë pjesë në bisedimet e planifikuara me Presidentin ukrainas Volodymyr Zelenskyy”.
Më parë, Zelenskyy deklaroi se planifikon të shkojë në Turqi pas vizitës së tij në Spanjë sot, duke shtuar se Ukraina po “përgatitet të intensifikojë negociatat” dhe ka “zhvilluar zgjidhje” që do t’u ofrojë partnerëve të saj.
Witkoff udhëhoqi përpjekjet diplomatike të Uashingtonit për t’i dhënë fund luftës në Ukrainë, duke u takuar disa herë me kreun e Kremlinit Vladimir Putin në Moskë.
Ai ndihmoi në arritjen e një armëpushimi në Gaza midis Izraelit dhe Hamasit, dhe, siç shkruan Sky News, muajin e kaluar tha se arritja e marrëveshjeve të paqes “po bëhet ngjitëse për të”.
Kryefaqja
Protesta qytetare në Tiranë, dita e 46-të e tubimit para Kryeministrisë
Këshilli Kombëtar i PD vendos sot për kupolën e re të Partisë, kush ikën e kush vjen
Hita mbledh drejtuesit e Policisë në qarqe: Prioritet siguria gjatë sezonit turistik dhe goditja e krimit
- 20:17 Abdixhiku pranon Kuvendin e jashtëzakonshëm për shkarkimin e tij, ndërpret negociatat me Kurtin
- 20:16 Berisha: Le t’u shprehim nderimin më të madh atyre dhjetëra mijëra qytetarëve që çdo natë luftojnë me me narko-diktaturën
- 20:15 Protesta qytetare në Tiranë, dita e 46-të e tubimit para Kryeministrisë
- 20:13 “Zgjedhjet vendore, do tregojnë sa mbështetje do ketë protesta”, Klosi: Shumë mirë që u kanalizuan politikisht!
- 20:02 Kuçana përplaset me Berishën: PD duhet të lexojë sheshin, “mulizimi” duhet të marrë fund
- 19:40 Zjarre të mëdha në Kanada, përfshihet nga flakët dhe një tren mallrash me punëtorë brenda