I dyshuar për vjedhje të tjera: Vodhi arkën e kishës, pranga autorit në Sarandë

Policia e Srandës ka kapur në flagrancë, një person i cili ishte duke vedhur arkën e kishës në fshatin Kulluricë, Finiq.

Sipas raportimeve, i arrestuari është P. A., 56 vjeç, banues në fshatin Gjashtë, Sarandë.

Nga veprimet hetimore dyshohet se ky shtetas është edhe autor i tre vjedhjeve të ndodhura më herët:

-më datë 08.12.2025, në fshatin Gjashtë, Sarandë, dyshohet se ka vjedhur nga mjeti i një shtetasi 60 000 lekë, një parfum dhe një byzylyk floriri.

-më datë 03.12.2025, në banesën e një shtetasi në fshatin Çukë, Sarandë, dyshohet se ka vjedhur disa pajisje elektroshtëpiake.

– më datë 28.09.2025, në fshatin Krane, Finiq, dyshohet se ka vjedhur 5 koshere me bletë.

Vijon puna për zbardhjen dhe dokumentimin e vjedhjeve të tjera të kryera nga ky shtetas.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprën penale “Vjedhja”.

LEXONI GJITHASHTU:

• NASA humb kontaktin me anijen e saj Maven, ka orbituar Marsin për një dekadë
• Mbikëqyrësit e BE-së bastisin selinë e Temu-së në Dublin