I gjenden armë dhe emblema policie në banesë, arrestohet 41-vjeçari 

Policia e Tiranës ka arrestuar një 41-vjeçar të cilit i është gjetur në banesë një arsenal armësh e municionesh si dhe emblema që përdoren nga policia.

Në kuadër të operacionit të koduar “The Holder” u vu në pranga shtetasi S. A., 41 vjeç, banues në Tiranë.

Gjatë operacionit, në Rrugën e Dibrës, shërbimet e Policisë kanë ndaluar automjetin me drejtues shtetasin S. A. Gjatë kontrollit të automjetit, iu gjet e iu sekuestrua një armë e ftohtë (thikë).

Më tej, gjatë kontrollit në banesën e këtij shtetasi, shërbimet e Policisë, gjetën e sekuestruan 2 armë zjarri (pistoletë dhe pushkë), 1 armë sportive, 1 armë e ftohtë, municion luftarak dhe emblema policie.

Materialet procedurale iu referuan Prokurorisë së Tiranës, për veprime të mëtejshme.

LEXONI GJITHASHTU:

• Organizonin lojëra fati në Vlorë, një i arrestuar, bashkëpunëtori në kërkim
• Grup kriminal i disa vjedhjeve, arrestohen 4 autorët, shpallen në kërkim 3 të tjerë