Shpërthim në oborrin e banesës së 67-vjeçarit në Toç, autorët djegin automjetin e përdorur

Një ngjarje e rëndë raportohet këtë të hënë nga Memaliaj, ku 67-vjeçarit Butjan Kapa në fshatin Toç i kanë hedhur në oborrin e banesës lëndë plasëse, e cila ka shpërthyer duke shkaktuar vetëm dëme materiale.

Kapa është kyetar i Njësisë Administrative Qesarat, Bashkia Memaliaj ndërsa gjatë largimit, autori ose autorët, në aksin rrugor “Krahës–Memaliaj”, kanë djegur automjetin me të cilin lëviznin në afërsi të fshatit Qesarat dhe më pas janë larguar në këmbë.

Shërbimet e Policisë vijojnë kontrollet në zonë për lokalizimin dhe kapjen e autorit/autorëve.

Grupi hetimor, nën drejtimin e Prokurorisë, vijon intensivisht veprimet për sqarimin dhe zbardhjen e plotë të rrethanave të ngjarjes, si dhe për identifikimin dhe arrestimin e autorit/autorëve.